Image-empty-state.png

Gordon Mifsud

Preżentatur u DJ

28/04/20

It-tazza nofsha mimlija

Li bilfors ikollok toqgħod id-dar kuljum mhix l-iktar ħaġa faċli għal ħafna, imma sakemm nerġgħu għan-normal missna naħtfu ċ-ċans biex nagħmlu mqar ħaġa waħda li qabel ma konniex insibu ħin għalija. Tista' tkun li timmedita, li tqatta' l-ħin tqalleb l-albums tar-ritratti antiki, jew li tinvesti l-ħin f'passatemp. Kultant ma nagħrfux kemm hu importanti li nfissdu naqra lilna nfusna. Ma nistgħux inkunu ta' ġid għal ħaddieħor jekk ma nkunux ta' ġid għalina nfusna. U ilna ħafna ngħidu li ngħixu f'ħajja mgħaġġla wisq, forsi din hi l-opportunità tad-deheb?